Первое известие о Москве 

(По «Ипатьевской летописи»)  

В лето 6655 ( 1147 ). Иде Гюрги  воевать Новгорочкой волости, и пришед взя Новый Торг и Мьсту всю взя; а ко Святославу  присла Юрьи, повеле ему Смоленьскую волость воевати; и шед Святослав и взя люди Голядь, верх Поротве, и так ополонишася дружина Святославля. И прислав Гюрги и рече: «Приди ко мне, брате, в Москову». Святослав же еха к нему с детятем своим Олгом, в мале дружине, пойма с собою Володимера Святославича; Олег же еха наперед к Гюргеви, и да ему пардус (барса). И приеха по нем отець его Святослав, и тако любезно целовастася, в день пяток, на Похвалу святей богородици, и тако быша весели. На утрий же день повеле Гюрги устроите обед силен, и створи честь велику им, и да Святославу дары многы, с любовию, и сынови его Олгови и Володимиру Святославичю, и муже Святославле учредив, и тако отпусти и.

Даты: 12  в.
Источник:  Хрестоматия  по истории СССР. Т. I / Сост. В. Лебедев  и др. М., 1940
Опубликовано в INTERNET: 2002, август